അന്യഗ്രഹജീവികള് യഥാര്ത്ഥത്തില് ഉള്ളത് തന്നെയാണോ? അന്യഗ്രഹങ്ങളിലെ ജീവന്റെ സാന്നിധ്യം? തുടങ്ങിയ ചോദ്യങ്ങള്ക്ക് ശാസ്ത്രലോകം ഉത്തരം കണ്ടെത്താന് ശ്രമിച്ചു കൊണ്ടിരിക്കുകയാണ്. എന്നാല് അന്യഗ്രഹ ജീവികളെക്കുറിച്ചുള്ള അന്വേഷണം മനുഷ്യരിലേക്ക് തന്നെ എത്തുമെന്നാണ് ഏറ്റവും പുതിയ റിപ്പോര്ട്ടുകള്. കാരണം ശാസ്ത്രലോകം കണ്ടെത്താന് ശ്രമിക്കുന്ന അന്യഗ്രഹ ജീവികള് മറ്റാരുമല്ല, അത് മനുഷ്യര് തന്നെയാണെന്നാണ് കണ്ടെത്തല്. ആവിര്ഭാവം ചെയ്ത ജീവന് വാല്നക്ഷത്രത്തിലോ ധൂമകേതുവിലോ ഭൂമിയിലേക്ക് എത്തുകയായിരുന്നു എന്നാണ് ഗവേഷകര് പറയുന്നത്. 'പാന്സ്പെര്മിയ' എന്ന് പേരിട്ട സിദ്ധാന്തത്തിന്റെ അടിസ്ഥാനത്തിലാണ് ഗവേഷകര് തങ്ങളുടെ വാദമുഖം അവതരിപ്പിക്കുന്നത്. 1800കള് മുതല് ഈ സിദ്ധാന്തം നിലവിലുണ്ട്. ഉൽക്കകൾ, ഛിന്നഗ്രഹങ്ങൾ, ധൂമകേതുക്കൾ, ഗ്രഹശകലങ്ങൾ എന്നിവയിലൂടെയാണ് ജീവൻ പ്രപഞ്ചത്തിലെങ്ങും വ്യാപിച്ചത് എന്ന് അവകാശപ്പെടുന്ന സിദ്ധാന്തമാണ് പാൻസ്പെർമിയ. ബഹിരാകാശത്ത് ഉടലെടുക്കുന്ന ജീവകണങ്ങൾ അവിടെ നിന്ന് രക്ഷപ്പെട്ട് ബഹിരാകാശ ധൂളീപടലങ്ങളിൽ കൂടി കാലങ്ങളോളം സഞ്ചരിച്ച് മറ്റു ഗ്രഹങ്ങളിലോ പ്രദേശങ്ങളിലോ എത്തിച്ചേരുന...